Баянауыл тау-шаңғы кешені 5 мың турист қабылдай алады


НҰР-СҰЛТАН. ҚазАқпарат — Павлодар облысындағы Баянауыл тау-шаңғы кешені 5 мың турист қабылдай алады. Бұл туралы өңір әкімі Болат Бақауов айтып берді, деп хабарлайды ҚазАқпарат тілшісі.

Об этом сообщает http://zarabotok-v-internet.com

«Баянауылдағы спорттық туризмді дамыту үшін тау-шаңғы кешені жобасы қолға алынды. Мырзашоқы тауының етегіндегі 960 метрлік арқан жол осы қыста бес мыңға дейін турист қабылдай алады», — әкім Орталық коммуникациялар қызметінде өткен баспасөз мәслихатында.

Әкім киелі орындар көп шоғырланған Баянауыл ауданында туризмді дамыту қажеттігін атап өтті.

«Жылдар бойы жергілікті тұрғындар мен тәу етушілер киелі орындарға – Мәшһүр Жүсіп кесенесіне жолдың жоқтығын айтып, шағымданатын. Биыл бюджет есебінен 90 шақырым жол толық жөндеуден өтті. Келесі жылы тағы бір туристік орын – Қоңыр әулие үңгіріне апаратын жол жөнделеді. Туристерге қолайлы болу үшін Баянауыл ауылына шағын авиация үшін ұшу-қону жолағы, тікұшақ алаңқайы бар аэродром салынды. Одан бөлек, Жасыбай көліне дейін электр беру желісі, су құбыры орнатылып жатыр», — деді Болат Бақауов.

Айта кетейік, Павлодар облысының әкімі Болат Бақауов елордада 2019 жылдың 10 айындағы өңірдің әлеуметтік-экономикалық дамуы туралы есеп берді.


Источник: “http://lenta.inform.kz/kz/bayanauyl-tau-shangy-kesheni-5-myn-turist-kabylday-alady_a3585350”