Мектеп директорлары мемлекеттік сатып алумен айналысып жүр – Алтай Көлгінов


НҰР-СҰЛТАН. ҚазАқпарат – Елордада мектеп директорлары кәсібінен тыс міндеттерден арылады. Бұл туралы қала әкімі Алтай Көлгінов айтып берді, деп хабарлайды ҚазАқпарат тілшісі.

Об этом сообщает http://gazetadosblogueiros.com

Әкімнің айтуынша, мектепті компьютермен, өзге қажетті жабдықтармен қамтамасыз ету, құрылыс мәселелері – мемлекеттің міндеті.

«Мектеп директорларының міндеті – балаларды оқыту сынды зияткерлік бөлік болуы тиіс. Әркім өз ісімен айналысуы қажет. Біздің директорлар мемлекеттік сатып алумен айналысып жүр. Мұғалімдермен кездесуде «Мектеп директорларын мемлекеттік сатып алудан босатып, зияткерлік жұмыстармен айналыссын» дегенімде барлығы қолдады», — деді бүгін Алтай Көлгінов «Астана – адалдық алаңы» жобасы аясында ҚР Сыбайлас жемқорлыққа қарсы іс-қимыл агенттігінің төрағасы Алик Шпекбаевпен кездесуде.

Бұған дейін әкім орынбасары Бақтияр Мәкен мектеп директорларының кабинеттерін кішірейтіп, бос аумақты оқушыларға беру қажеттігін айтқан еді.

Сонымен бірге, мектепті ұзақ басқарған директорларға пилоттық ротация жүргізу ұсынылды.


Источник: “http://lenta.inform.kz/kz/mektep-direktorlary-memlekettik-satyp-alumen-aynalysyp-zhur-altay-kolginov_a3585031”